У першай зале музея, які прысвечаны гісторыі дарог і развіццю дарожнай службы, наведвальнікі могуць пазнаёміцца з гісторыяй горада, даведацца хто такія балаголы, убачыць копіі дакументаў, якія пан Восіп Дараган падрыхтаваў, каб адкрыць чыгунку Старыя Дарогі - Асіповічы ў канцы ХІХ ст. , што значна паўплывала на развіццё горада.
На стэндах таксама можна ўбачыць фатаграфіі паштовых станцый. На тэрыторыі раёна захавалася два такіх будынка, якія датуюцца ХІХ ст. Экспазіцыю дапаўняе адноўлены інтэр'ер паштмайстарскай канца ХІХ - пач. ХХ ст.
